Sant Fòmasyon sou Antreprenarya ak
Nouvo Teknoloji
Pwogram kou yo
Entrepreneurship
Pifò lekòl ap fome jèn pou al travay ak moun. Fòmasyon yo pa pèmèt jèn devlope tèt yo. Ak kou sou antreprenarya, w’ap ka deside lanse biznis ou. Ou pral aprann 5 etap pou mete yon biznis sou pye epi kijan prepare yon plan dafè senp pou ede’w jwenn fon w’ap bezwen. Avèk konesans sa w’ap genyen sou biznis, lap pi fasil pou jwenn yon travay annatandan.
Business Broker
Anpil moun konfonn Marketing ak piblisite. E jouk kounye a gen moun ki rete kwè nan ansyen modèl marketing sou radyo, tele ak afich. Poutan, Business Broker pèmèt ou touche plis moun pou fè konnen-w ak vann pwodui ak sèvis online. Nou vle etidyan nou yo pwofite tout dènye teknik k’ap ede yo reyisi nan biznis ak nan lavi yo.
Blockchain & Cryptocurrency
Teknoloji Blockchain antre nan monn nan sa gen anviron trèzan. Li evolye tèlman vit ke anpil moun ap itilizel san yo pa menm rann yo kont. Nou vle’w konnen kisa Blockchain ye e kijan biznis ka pwofite. Ou pa bezwen maton nan enfòmatik pou’w konprann Blockchain ak Crypto. Men konesans ou pral aprann yo ap edew pi devan nan envestisman w’ap fè.
Job On-Demand
Jodi-a gen nouvo teknik pou chèche epi jwenn travay. Li pa sifi pou'w jis ap depoze CV pasipala. Se sa tout moun ap fè. Si'w vle mete tout chans bò kote'w, fòk ou diferan. Se poutèt sa nou vle'w konnen ki pibon fason pou'w prepare yon dosye kap pèmèt ou jwenn travay pi vit. San kote nap montre'w kijan pou negosye salè'w ak ki kalite travay ou vle fè.
Network & Communication
Fòk ou gen bon rezon kontak ki gen alafwa envestisè, patnè ak kliyan pouw ka reyisi biznis ou. Se moun sa yo ki pral ede'w lè'w nan difikilte oubyen si wap chèche moun pou envesti avè'w. Se sak fè kou sa enpòtan pou ou antanke antreprenè. Anplis de sa, ou dwe konn pran lapawòl an piblik. Wap bezwen travay sou kominikasyon'w pou'w ka vin pi alèz le w’ap pale.
Digital Business Entrepreneur Masterclass (DBEM)
Nan Fòmasyon DBEM wap jwenn tout lòt kou yo. Yon kou konsa ap pèmèt ou genyen konpetans solid w'ap bezwen swa pou lanse biznis ou, oubyen pou ofri sèvis ou bay yon antrepriz. Nou vle fini avèk zafè jèn kap pase 4 an ap aprann yon pil teyori ki pap itil li anyen nan lavil. Objektif kou sa se mete nan men'w konesans ak zouti ou bezwen pou pran lavi'w an men epi kòmanse fè kòb pou'w viv.
